Раштавăн 14-мĕшĕнче Çĕмĕрле районĕнчи Тăванкас шкулĕнче республикăри чылай конкурссен лауреачĕ Александр Егорович Мингалев юрăç хăнара пулчĕ. Унăн юррисем «Вырăс салтакĕ», «Вырăс тытăмĕ» ачасене питĕ килешрĕç. Анчах та ял шкулĕн ачисемшĕн билет хакĕ 50 тенкĕ нумайрах пулни концерта йĕркелекенсен пуçне кĕрейменни питĕ кӳрентерет. Нумай ача кĕтнĕ концерта кураймарĕç. Ман шутпа музыкантсен шкул дирекцийĕпе канашланса пăхмалла пулнă. Калапăр, шкулта 97 ача тата 14 вĕрентекен пулсассăн, кашнинчен 10-шар тенкĕ пустарăнсан та 1000 тенкĕрен иртсе каятчĕ ĕнтĕ. Сахал ĕнтĕ, анчах та, зал тăп-тулли пулни мĕнле артиста хавхалантармасть-ши?